“C1” телевиз дахин шинэ захиралтай болсон байна.

Удирдлагын баг нь тогтворгүй байгаа тус телевиз энэ долоо хоногт шинэ захиралтай болжээ. Сүүлийн хэдэн сар тус телевизийг н.Энх-Амгалан гэж хүн удирдаж байсан бөгөөд түүнээс өмнө Монголд телевизийн урлагийн цоо шинэ соёлыг нутагшуулахаар зорьж ажиллаж байсан английн иргэн Бен Моёл анхнаас нь C1-ийг удирдсан билээ.

Харин энэ удаад анх  тус телевизээс сэтгүүлчийн гараагаа эхлүүлсэн Д.Ариунсэлэнгийг Гүйцэтгэх захирлаар томилжээ. Д.Ариунсэлэнгэ нь 2007-2012 онд С1 телевизийн мэдээний албаны сэтгүүлч, 2012 оноос Үйлдвэр, Хөдөө Аж Ахуйн сайдын хэвлэлийн төлөөлөгч, 2012 оны долоодугаар сараас УИХ-ын гишүүн Х.Баттулгын хэвлэлийн төлөөлөгчөөр ажиллаж байсан юм.