Америкийн ҮСБХ-ны Лигийн хоёр удаагийн аварга, гурван онооны шидэлтийн бүх цаг үеийн лидер Рэй Аллэн 18 улирлын дараа зодог тайллаа.
“Милоуки Бакс” багаас гараагаа эхлүүлсэн Рэй 10 удаагийн бүх оддын тоглолтод шалгарч, 2 удаагийн НБА-н аварга цол авсан нэгэн билээ. Тэрбээр нийт замналынхаа турш 24505 оноо цуглуулж тоглогчдоос 22-т бичигдсэн түүхэн амжилт үзүүлжээ. Мөн бүх цагийн үеийн шилдэг холын зайн мэргэн буучаар тодорч 2973 удаа амжилттай шидэлт гүйцэтгэсэн байна.

Түүний Мiami Heat багт байхдаа San-Antonio Spurs багтай аваргын төлөөх тоглолтод түүхэн шидэлт хийсэн нь олон хүний санаанд тод үлдсэн байдаг.

Ч.Амар