-Баярлалаа. УБТЗ-ын даргын хариуцлагатай албан тушаалд томилогдсоны дараах анхны ярилцлагаа “Ган зам” сонинд өгч, төмөр замчидтайгаа  сониноор дамжуулан уулзаж буйдаа туйлын баяртай байна.

-Ажлаа хүлээж авснаас долоо хоногийн дараа намрын үзлэгт гарлаа. Ер нь, эрхэлж байсан албан үүргийнхээ хүрээнд хөдөлгөөнтэй холбоотой ажилчидтай өмнө нь тогтмол уулздаг байсан. Энэ ч утгаараа тэднийхээ амьдрал, ажил үйлсийг  гайгүй сайн гадарлана гэж боддог. Үзлэгийн хүрээнд бүх аж ахуйн нэгжээрээ ороод өнөөгийн бодит дүр зургийг биечлэн харж танилцлаа. 2016 оны хувьд тийм ч муу жил болсонгүй. Оны эхэнд байсан ачааны хомсдол, тээврийн хэмжээний уналт зэргийг жилийн сүүлийн өндөрлөгөөс  харахад, төсөөлж байснаас өөдрөг харагдаж байна.  Хамгийн сүүлийн мэдээгээр, цаашид ачааны хэмжээ өсөх хандлага бий болжээ. Энэ удаагийн үзлэгээр төмөр замчид өвлийн тээвэрт хэрхэн бэлтгэснийг,  төмөр замчдын нийгмийн асуудал, өвлийн хувцасны хангалт зэргийг үзэж явлаа.  Энэ бүхэнд Замын захиргааны зүгээс ямар туслалцаа үзүүлэх бололцоотойг ч анхаарч ажиллалаа. Үндсэндээ, хойд хэсэглэлийнхэн өвлийн тээвэрт сайн бэлдсэн байна. Хөдөлмөр хамгаалал болон хөдөлгөөний аюулгүй байдал бүрэн хангагджээ гэсэн дүгнэлтэд хүрлээ. УБТЗ-ын харьяа байгууллагууд, ялангуяа үйлчилгээний салбарынхан үйлчилгээний чанартаа анхаарах хэрэгтэй. Салбар нэгж, албан байгууллагын удирдлагууд цаг үеийн хөгжлөө дагаж  хурдацтай өөрчлөгдөж байгаа өнөө үед өөрийнхөө ажлын байранд нэлээд санаачлагатай ажиллах шаардлагатай байна. Байгууллага удирдаж яваа хүн гэдэг цаг ямагт шинийг эрж, орлогын эх үүсвэрээ нэмэгдүүлэхэд авхаалж самбаатай байх ёстой. Гэхдээ орлого гэдэг зүйл хүний гараар бүтдэг. Нэг үгээр хэлбэл, манай төмөр замын ажилчид орлогыг бүрдүүлдэг. Тийм учраас хамгийн гол зорилт бол хүнээ хайрлахад орших учиртай.

Удирдлага доор нь ажиллаж байгаа хүмүүсийг хайрлаж, тэдний амьдрал ахуйд нь анхаарал тавьж, сонсож, ажил дээрээ гаргаж байгаа туршилт, шинэлэг санааг нь дэмжиж ажиллах нь чухал юм шүү гэсэн захиа даалгаврыг өөрийн зүгээс өгч явлаа.

-Ер нь, байгууллагын дарга, менежерүүдэд  очих хариуцлага өндөр шүү гэдгийг орсон газар бүртээ хэлж явлаа.

Үргэлжлжэл: “Ган Зам” сонины 3-р нүүрт