Нийслэлийн удирдах ажилтнуудын ээлжит шуурхай зөвлөгөөн өнөөдөр боллоо. Уг зөвөлгөөнөөр согтууруулах ундаагаар үйлчлэх тусгай зөвшөөрөлтэй газруудын цагийн хувиарт өөрчлөлт оруулж, баар ресторан цэнгээний газрыг ирэх сарын 01-нээс 06 дугаар сарын 01-нийг хүртэлх хугацаанд шөнийн 00.00 цаг хүртэл, 06 дугаар сарын 01-нээс 10 дугаар сарын 01-нийг хүртэлх хугацаанд 02.00 цаг хүртэл үйл ажиллагаа явуулахаар тусгасан захирамжийн төслийг Улаанбаатар хотын Захирагчийн ажлын албанаас боловсруулжээ.

Учир нь улирлын чанартай цагийн хуваарийн өөрчлөлт хийх нь зүйтэй гэж Ажлын хэсэг үзсэн байна. Захирамжийн төсөлд Улаанбаатар хотын Цагдаагийн газар, Нийслэлийн Аялал жуулчлалын газар, Сонгинохайрхан, Чингэлтэй, Сүхбаатар дүүргийн Засаг даргын Тамгын газраас санал авч нэгтгэсэн байна.

О.Сайхан