UFC 202 тулааны оргил тулаан нь Нейт Диасаас Конор Макгрегорын даагаа нэхсэн нь байлаа. Ширүүн тулааны дараагаар шүүгчдийн саналаар ирланд тулаанч ялалт байгуулсан. Тэрбээр ялалтынхаа дараагаар ийн ярьжээ.
“Сюрприз, сюрприз новш минь, хаан буцан ирлээ. Та бүхний тулааны стратегийн тухай ярьж буй чинь яг үнэн байна. Тэр цохилтуудыг миний бодсноос илүү даалаа. Би эхний гурван раундад ялсан. Би ур чадварын ялгааг түүнд харууллаа. Гэхдээ тэр сүүлийн раундад ширүүн тулаанаар байдлыг тэнцүүлэх дөхсөн. Би ялалтдаа сэтгэл хангалуун байна. Тамын тулаан, эрлэг шиг хэцүү өрсөлдөгч байлаа. Тэр намайг бүхнээ шавхахад хүргэсэн. Дасгалжуулагчийн минь хэлдгээр нэг бол ялна, үгүй бол алдаанаасаа суралцана. Би өнгөрсөн ялагдлаасаа их зүйл сурсан” гэж Конор Макгрегор өгүүлжээ.