Монгол Улсын Хөгжлийн банк байгуулагдсанаас хойш үйл ажиллагаа, санхүүжилтийн эх үүсвэр, зарцуулалт, төслийн сонгон шалгаруулалт, төслийн хэрэгжилтэд хяналт тавих үүрэг бүхий ажлын хэсэг байгууллаа. Шалгалтын дүн болон цаашид авах арга хэмжээний талаарх саналаа 2016 оны 9 дүгээр сарын 10-ны дотор Засгийн газарт танилцуулахыг ажлын хэсэгт даалгасан байна.

Ер нь бол Хөгжлийн банкийг шалгах  цаг болсон гэдгийг хаа хаанаа ойлгож мэдэж байгаа биз ээ. Уг нь Хөгжлийн банкны хөрөнгөжих бололцоо нь бонд, монголчуудын хөгжлийн гарц нь бондоос үүсэн мөнгөн хөрөнгө гэдгийг мэргэжлийн хүмүүс хэлдэг. Гол нь тэгээд  зохистой зөв захиран зарцуулах эрх үүргийг УИХ-аас Хөгжлийн банкинд олгосон байтал, Хөгжлийн банк Засгийн газрын өмнөөс төсвийн хийх ёстой хөрөнгө оруулалтын төслийг санхүүжүүлэх байдал хэрээс хэтэрч, хэмжээ хязгаараа даваад байгаа нь тодорхой болсон.  Хөгжлийн банк тогтвортой ажиллах эрх зүй орчин алга байгаа нь бас үнэн. “Улс орны хөгжлийн амин чухал төсөл хөтөлбөрийг санхүүжүүлэх Хөгжлийн банкны хараат бус, бие даасан байдалд Засгийн газар ноцтойгоор халдаж байна” гэдгийг Дэлхийн банкны  шинжээч хэлсэн байдаг.