Мэргэжлийн боксын рингэнд 49 тулаан хийхдээ нэг ч ялагдаагүй босоо аварга, “Мөнгө” хочит Флойд Мейвезер өөрийнхөө залгамжлагч болох магадлалтай боксчноор Шакур Стивенсоныг нэрлэлээ. Шакур Стивенсон нь Риогийн олимпийн наадмын шөвгийн наймд манай боксчин Э.Цэндбаатарыг шүүгчдийн нэгдмэл саналаар 3:0-ээр ялсан 19 настай америк тамирчин юм.

“Би өөрийнхөө залгамжлагчийг олж харлаа. Хэн нэгэн миний амжилтыг эвдэж чадах юм бол тэр нь энэ хөвгүүн л байх болов уу. Би түүнд үнэхээр их итгэж байна. Би түүний тулалдахыг хараад “Түүнийг хэн гэдэг юм бэ?” гэж шууд асуусан. Түүнийг би мэргэжлийн боксчин гэж бодсон чинь сонирхогчдын бокст өрсөлддөг байж таарсан. Тэр одоогоор сонирхогчдын бокст байгаа ч гэсэн ирээдүйд мэргэжлийн бокст гарцаагүй аварга болно” гэж Мейвезер өгүүлжээ.

Р.Гэгээ