“Эрдэнэс Таван толгой” ХК-ийн 1072 ширхэг хувьцааны 30 хувиа Засгийн газарт 300 мянган төгрөгөөр худалдах хүсэлтэй иргэд өнгөрсөн сараас эхлэн банканд хандаж мөнгөө авч эхэлсэн.

Тодруулбал, бичиг баримтаа бүрдүүлж өгсөн хүмүүс сонгуулийн өмнө 200 мянган төгрөгөө  хоёр хувааж авсан. Харин үлдсэн 100 мянган төгрөг нь өнөөдөр дансанд нь орох ёстой боловч одоогийн байдлаар ороогүй байгаа талаар хувьцаагаа худалдах хүсэлт гаргасан зарим иргэд мэдээллээ.

Мөн цахим ертөнцөд “Сонгууль дууссан учраас үлдсэн 100 мянга нь орохгүй юм байхдаа” гэсэн постууд олноор нийтлэгдсээр байна. Энэ талаар бид Төрийн банкнаас тодруулахад, “Хувьцааны мөнгө орж ирээгүй байгаа. Хэзээ орохыг нь мэдэхгүй байна” гэсэн юм. Ямартай ч хувьцааны мөнгөний үлдэгдэл 100 мянган төгрөг иргэдийн дунд багагүй хүлээлт үүсгээд байна.

Т.Гэрэл