УИХ-ын болон аймаг, нийслэлийн ИТХ-ын сонгуультай холбоотойгоор Цагдаагийн байгууллага өндөржүүлсэн бэлэн байдалд шилжиж ажиллаж байна. Түүнчлэн Цагдаагийн Ерөнхий газарт шуурхай удирдлагын  штаб ажиллаж байна. Иргэдийн амгалан тайван байдлыг хангах, гэмт хэрэг, зөрчлөөс урьдчилан сэргийлэх, сонгуулийн үйл ажиллагааг хэвийн явуулах нөхцлийг хангах зорилгоор төв, орон нутгийн цагдаагийн байгууллагын алба хаагчид хуулийн хүрээнд хэвийн үйл ажиллагаагаа явуулж, гэмт хэргийн чанартай зөрчил дутагдлыг тухай бүрт нь шалгаж арга хэмжээ авч ажиллаж байгаа аж.