Дани улсын шүүх Скандинавийн орнуудаас түүхэндээ анхудаа Исламийн улс террорист бүлэглэлийн үйл ажиллагаанд оролцсон этгээдэд ял оноохоор болжээ. Тэрхүү гэмт хэрэгтэн нь талх нарийн боовны газрын эзэн 24 настай этгээд аж. Тэрээр ИУ бүлэглэлийн террористуудад зориулж талх барьж өгдөг байжээ. Энэ талаар Ройтерс агентлаг мэдээлсэн байна. Уг этгээд нь Турк болон Дани хоёр улсын иргэншилтэй нэгэн аж.Данийн цагдаагийн газраас хийсэн мөрдөн шалгалтын явцад тэрээр 2013 онд ИУ бүлэглэлийнхэнтэй холбоо тогтоож ,Сирид очин тэдний талд байлдаж байжээ. Харин шүүгдэгч этгээд түүнд оноохоор зэхэж буй ялын заримыг нь эсэргүүцэн ,тэрхүү бүлэглэлд тусалж байснаа хүлээн зөвшөөрөөд ,хэзээ ч гартаа буу барин байлдаж байгаагүй,зөвхөн тэдэнд талх барьж өгдөг байсан гэжээ. Одоогийн байдлаар түүнд Данийн шүүхээс ямар ял оноох нь тодорхойгүй байна. Даний тусгай албаны мэдээгээр бүхэлдээ тус улсын харъяат 125 хүн ИУ бүлэглэлтэй холбоо тогтоож,Сири ,Ирак руу явснаас ,27 нь дайн байлдааны явцад алагдсан ажээ. Мөн 2016 онд Данийн цагдаагийн газар ИУ бүлэглэлийн даалгавараар террорист халдлага үйлдэх гэж байсан 4 этгээдийг баривчилсан бөгөөд мөн тэдэнтэй холбоотой байж болзошгүй галт зэвсэг хууль бусаар хадгалж байсан 2 этгээдийг баривчлан саатуулжээ.

 Жиргээ.мн

Ж.Батдорж