Бүгд Найрамдах Намын дарга Б.Жаргалсайхан энэ сонгуулиар 48-р тойрог буюу Орхон аймагт нэр дэвшиж байгаа. Улстөрийн талбарт өөрийн үзэл бодлоо хаалтгүй илэрхийлж, тод дуугарч ирсэн тэрбээр энэ сонгуулиар өөрийнхөө намд нэлээд итгэлтэй байгаа харагдана. Ямар ч байсан өөрөө сонгогдоод Орхон аймгийг Эрдэнэт хот гэдгээр нь цаашид хэлж ярьж хөгжүүлнэ хэмээн ярьж хэлж яваа юм.

         Тэрбээр хэлэхдээ “ Би Эрдэнэт хотод нэр дэвшиж байгаа. Одоо Орхон аймаг гээд өгчихсөн. Уг нь Эрдэнэт хот гэвэл их зүгээр байгаа юм. Монгол Улс маань дөрвөн хоттой байг л дээ. Үүнийг бид засаж, хот болгоно оо. Эрдэнэт хот өнөөдөр Улс орноо авч явж байна. Энэ хотын зэс, молебдин экспортод гарахгүй бол бид баларна. Тэнд хөдөлмөрийн үнэ цэнийг ойлгосон хүмүүс байдаг учраас Улс орноо хөгжүүлэхийн төлөө тэд нартай хамтарч ажиллахыг хүссэн. Манай намаас УИХ-ын сонгуульд 36, НИТХ-д 21 нэр дэвшигч өрсөлдөж байна. Судалгаа харахад манай нэр дэвшигчид гараад ирэх юм билээ.” хэмээн ярьж байна. Тэгэхээр Б.Жаргалсайхан эрхмийн тухайд өөрийн намынхаа нэр дэвшигчдэд итгэлтэй ярьж байгаа нь нэг талаас бас тактикийн чанартай ч байр суурь биз ээ.

Б.Тамир

Эх сурвалж: Шуурхай.мн