Ардчилсан намаас УИХ-ын сонгуульд нэр дэвших эрхээ намынхаа анхан шатны байгууллагаас аваад байгаа нөхдүүд баяр хөөрөө нууж чадсан сэтгэгдлээ сошиалаар илэрхийлээд байгаа. Тэгвэл тэгж баярлахад эрт байгаа бололтой. Учир нь тус намын Хяналтын Ерөнхий Хорооноос өчигдөр гаргасан тогтоолоор бол нэр бүхий гишүүдэд хариуцлага тооцож  УИХ-д нэр дэвшүүлэхгүй байх талаар өгүүлжээ. Тодруулбал,  өөрийн намын Ерөнхий сайд буюу Н.Алтанхуягийг Ерөнхий сайдын суудлаас огцруулахыг дэмжсэн болон тухай асуудлаар санал хураахад санаатайгаар санал хураалтад  оролцоогүй байж мэдэх нэр бүхий гишүүдэд хариуцлага тооцох гэнэ.

Тухайлбал, Н.Алтанхуягийг Ерөнхий сайдаас огцруулахыг дэмжсэн саналыг Р.Амаржаргал,   Ж.Батзандан, Х.Баттулга,   Д.Батцогт,   Р.Бурмаа,   М.Зоригт,   Б.Наранхүү, Л.Эрдэнэчимэг нар өгсөн бол санал хураалтад Д.Арвин,  Г.Баярсайхан,  М.Батчимэг,  Д.Ганбат,  Д.Ганхуяг, С.Одонтуяа   С.Эрдэнэ нар оролцоогүй юм. Тэднийг санал өгөхөөс зориуд бултсан гэж харж байгаа хүмүүс тухайн үед  олонх байсан юм. За ямартай ч өнөөдөр хуралдах Үндэсний Зөвлөлдөх Хорооны хуралдаанаар  Хяналтын хорооны хурлын шийдвэрийг хэрхэн эцэслэх нь анхаарал татсан асуудал болоод байна.

Намын дарга З.Энхболд тэгээд Н.Алтанхуягийг унагасан асуудлаас болж бусад гишүүдээ шахаж гаргах уу гэдэг нь бас тусдаа асуудал гэдгийг улстөрийн хүрээнд бас шивэр авир хийж л байна.

Б.Тамир

Эх сурвалж: Шуурхай.мн