ТВ9 телевизийн “Монгол коммент” нэвтрүүлгийн үндсэн хөтлөгч М.Батбилэгийн хайрт хань Г.Наранбилэг нь зөөлөн эдийн хорт хавдар гэсэн оноштойгоор Тайланд улсад хоёр удаа эс авахуулах хагалгаанд ороод, одоо БНСУ-д эмчлүүлж байгаа юм.

Тиймээс түүний хоёр дах гэр бүл болох ТВ9 телевизийнхэн “Элэг бүтэн амьдралын төлөө” нэгдэцгээе хандивын тоглолтыг Монгол бөхийн өргөөнд зохион байгуулахаар болсон талаар бид өмнө нь мэдээлсэн.

Өнөөдөр буюу энэ сарын 15-нд 19.00 цагт болох тус тоглолтын тасалбараас Монгол улсын Заан Ч.Батзориг 2.250.000 төгрөгийн өртөгтэй 150 ширхэг тасалбарыг худалдан авч сэтгэлийн хандив өргөжээ.

Тус хандивын тоглолтод МУГЖ С.Батсүх, Н.Чулуунхүү, У.Далантай, Л.Болдбаатар, С.Жавхлан, МУСТА Г.Эрдэнэчимэг Н.Энхбат, Б.Батболд, Х.Батмэнд, П.Идэржавхлан, Я.Гэрэлчулуун, Л.Сөрөлт, П.Жимсээ гэх мэт ард түмний хайр хүндэтгэлийн хүлээсэн маш олон уран бүтээлчид оролцох юм байна.

Т.Болор

Uls.mn