ОХУ-ын Ерөнхийлөгч Владимир Путин Москва хотноо албан ёсны айлчлал буй БНХАУ-ын Гадаад хэргийн сайд Ван Иг хүлээн авч уулзжээ. Уулзалтын үеэр Оросын Ерөнхийлөгч“Энэ зун БНХАУ-д хийхээр төлөвлөсөн айлчлалынхаа хүрээнд тус улсын төр, засгийн тэргүүн нартай уулзаж, хоёр улсын найрсаг харилцааг улам бүр гүнзгийрүүлнэ гэдэгт итгэлтэй байна. Хоёр орны хооронд найрсаг, халуун дотно албаны болон хувийн харилцаа бий болсныг дурдхад таатай байна” гэжээ. Мөн тэрбээр, хоёр улсын харилцаанд ОХУ ихээхэн ач холбогдол өгдөг бөгөөд олон улсын тавцанд болон эдийн засаг, хүмүүнлэгийн салбарт амжилттай хамтран ажилласаар байна гэж мэдэгдээд, хоёр улсын стратегийн түншлэлийн харилцаа эрчимтэй хөгжиж байгааг онцлон тэмдэглэв. Энэ үеэр Оросын төрийн тэргүүн Хятадын төр, засгийн тэргүүн нарт мэндчилгээг нь дамжуулахыг Ван Игээс хүссэн байна.

Д.Болд