ОХУ-ын Буриад улсын Ардын Жүжигчин Б.Амархүүгийн хайрыг булаасан азтай охин бол загвар өмсөгч О.Ариунзул. “Miss Russia International-2013” тэмцээний тэргүүн титмийн эзэн болж, хойд хөршийн загварын ертөнцөд багагүй амжилт үзүүлж чадсан тэрбээр хайртай залуугийнхаа хамтаар Москвад хэсэг хугацаанд амьдарсан юм. Дуучин залуугийн фэн болох Орос, Монгол охидын атаархлыг тээж явсан О.Ариунзулд анх гэрлэх санал тавьсан ч огт хүлээж аваагүй гэдэг. Гэсэн хэдий ч хоёр хос хамтын амьдралаа эхлүүлж хөөрхөн хүүтэй болсон.

Саяхан мисс бүсгүй өөрийн цахим хуудсаараа дамжуулан “Секси дотуур хувцас” худалдаалдаг газар асуужээ. Үүнийг харсан дэлгүүрийн эзэд ч бүсгүйд өөрсдийн хаягаа зааж өгөв. Харин бүсгүй заавал очиж авахаа мэдэгдэж баярласан сэтгэгдлээ хуваалцжээ. Саяхан болоод өнгөрсөн гэгээн хайрын баяраар хамгийн романтик хосоор тодорсон болохоор өөрийн хайрт залуу Б.Амархүүд зориулж байгаа болов уу хэмээн олон хүн шивнэлдээд өнгөрсөн гэнэ.

Эх сурвалж: Photonews.mn