Норвегийн Лиллехаммер хотноо болсон Залуучуудын өвлийн Олимпийн II наадмаас тэшүүрийн төрлөөр алтан медалийг хүртсэн Б.Сумъяа өнөөдөр “Биеийн тамир спортын тэргүүний ажилтан” боллоо. Түүний гаргасан амжилтыг Монгол Улсын Засгийн газар, Эрүүл мэнд, спортын яам өндрөөр үнэлж, ийнхүү шагнасан байна.

Б.Сумьяа нь 2015 оны арваннэгдүгээр сард Нидерланд, Германд болсон Дэлхийн цомын аварга шалгаруулах тэмцээнээс Олимпийн эрхээ авсан бөгөөд энэ удаагийн наадамд 500 метрийн зайд 21-р байр, 1500 метрийн зайд 24 дүгээр байрыг эзэлсэн.

Тэрээр өөрийн эзэмшдэг Монгол Улсын өсвөр үеийн болон насанд хүрэгчдийн улсын рекорд амжилтыг шинэчлэн тогтоосон аж.

Т.Гэрэл