БНХАУ-ын Засаг захиргааны онцгой бүс Хонгконг хотноо энэ сарын 1-ний өдөр “Ялтан шилжүүлэх тухай Монгол Улсын Засгийн газар, БНХАУ-ын Засаг захиргааны онцгой бүс Хонгконгийн Засгийн газар хоорондын хэлэлцээр”-т Монгол Улсын Засгийн газрын гишүүн-Хууль зүйн сайд Д.Дорлигжав, Хонгконгийн Аюулгүй байдлын сайд, ноён Лай Тунг-квок нар гарын үсэг зуржээ.

Хэлэлцээрт гарын үсэг зурснаар Хонгконгт ял эдэлж буй монгол иргэд эх нутагтаа шилжин ял эдлэх боломжтой юм байна. Хэлэлцээрийг байгуулснаар хууль зүйн хоорондын хамтын ажиллагаа төдийгүй бусад салбарт Монгол, Хонгконгийн хоёр талын харилцааг нэмэгдүүлэх боломж нээгдэж байгаа аж.