Улсын хэмжээнд одоогоор хонины цэцэг өвчний вакцин болон үйлдвэрлэх түүхий эдийн нөөц бүрэн дуусчээ. Он гарснаас хойш мал, амьтны гоц халдварт хонины цэцэг өвчин Дорноговь, Дорнод, Сүхбаатар, Хэнтий, Төв аймгийн 12 сумын нутаг дэвсгэрт гарчээ. Иймд өчигдрийн Улсын онцгой комиссын хуралдаанаар Шадар сайд, шаардлагатай эм био бэлдмэл, бодисоор хангаж, болзошгүй эрсдлээс урьдчилан сэргийлж ажиллахыг Мал эмнэлэг, үржлийн газар болон Мэргэжлийн хяналтын ерөнхий газрын дарга нарт үүрэг болгожээ.