ОХУ-д ханиад болон амьсгалын замын цочмог халдвар ихээр тархаж байгаа ба халдварт өвчний тархалт 37,8 хувьд хүрсэн байна. Халдвар авч байгаа хүмүүсийн 70 хувь нь хүүхдүүд байгаатай холбоотойгоор Москва хотод өчигдрөөс эхлэн хорио цээр тогтоолоо.

Иргэдийн өвчилж буй халдварт өвчний дунд гахайн ханиад буюу “H1N1″ вирусийн халдвар байгаа бөгөөд Москва болон Москва орчмын 828 сургууль, 600 орчим цэцэрлэг, 15 тусгай сургуулийн үйл ажиллагааг түр зогсоогоод байна. 

Хүндэрсэн ханиаднаас болж энэ долоо хоног 24 хүн, нийтдээ 50 хүн амиа алдаад байгаа учраас иргэдийг олон нийтийн үйл ажиллагаа зохион байгуулах, хүн ихээр цуглардаг газраар явахгүй байхыг анхааруулжээ.