Газын зурвасын өмнөд хэсгийн амьтны хүрээлэнгийн Африкын бар дөрөв таван хоног хоол идээгүй талаар “South Jungle Zoo “хүрээлэнгийн эзэн Мохаммед Куида ярьж байна.

Хүрээлэнгийн бар өдөрт 20 орчим долларын хоол идэх ёстой байдаг аж.

Амьтны хүрээлэнгийн бар, арслан, сармагчин, матар, тэмээн хяруул зэрэг амьтдыг харахаар хүүхдүүдээ дагуулан ирдэг олон гэр бүлийн хөлд дарагдаж асан амьтны хүрээлэнд одоо үзэгчгүй торон хашаа, өлсгөлөн амьтад л үлджээ.

Хүрээлэнг зорин ирэгсдийн тоо цөөрсний улмаас бэлэн мөнгөний нөөц үгүй болж, амьтдаа хооллож чадахгүйд хүрчээ.

Газын зурваст үргэлжилсэн олон жилийн мөргөлдөөн, хүйтэн цаг уур, халдварт өвчний дэгдэлт зэргээс мөн олон тооны амьтад үрэгдсэн байна.

Яг ийм байдал Газын зургаан амьтны хүрээлэнд тохиолдоод байна.

1.8 сая хүн амтай Газа Хамас болон исламын босогчдын бүлгийн хоорондын мөргөлдөөний хөлд талхлагдаж байгаа төдийгүй Египт улс хилийн зурвасаа хаагаад байна.

Байдал тун муу байгаагаас амьтны хүрээлэнгийн амьтад ямархуу нөхцөлд байгааг анзаарах хүн байхгүй талаар Куида ярьж байна.

Гэвч амьтдын эрхийн байгууллагууд тэдэнд тусалж буй талаар мөн дурссан юм.

И.МӨНХЦЭНГЭЛ