УИХ-ын гишүүн С.Бямбацогт, Ж.Сүхбаатар нар өчигдөр Эрдэс баялаг, эрчим хүчний сайд Д. Зоригтод шатахууны үнийн асуудлаар асуулт тавилаа. Гишүүд асуултдаа “2012 оны нэгдүгээр сарын 6-ны өдрийн 22.00 цагт бүх төрлийн автобензин, дизель түлшний үнэ 235-260 төгрөгөөр нэмэгдсэн. Үүнээс үүдэн нийтийн тээвэр, өргөн хэрэглээний барааны үнэ нэмэгдэж, иргэдийн дунд бухимдал үүсч, амьжиргааны түвшинд сөргөөр нөлөөлж байна. Мөн энэ үнийн өсөлтийн сургаар иргэд, байгууллага, аж ахуйн нэгжүүд автобензин, дизелийн түлшийг их хэмжээгээр нөөцөлж хомсдол үүсэх шалтгааныг бий болгож байгаа тул автобензин, дизель түлшний үнийн өсөлттэй холбогдуулан тайлбар өгөөч.

ОХУ 2011 оны наймдугаар сараас хойш нефтийн бүтээгдэхүүний үнэ болон экспортын гаалийн албан татвараа нэмээгүй байхад шатахууны үнийг хэдэн удаа нэмсэн талаар тайлбарлана уу”  гэжээ. Харин асуултын хариуг хуулийн хугацаанд бичгээр авахыг хүссэн байна.

Л.ТӨР