ОХУ-аас Монгол Улсад суугаа Онц бөгөөд Бүрэн эрхт Элчин сайд ноён Азизов Искандер Кубарович Иргэний харьяалал, шилжилт хөдөлгөөний ерөнхий газрын дарга Д.Болдыг хүлээн авч уулзжээ. Уулзалтын үеэр талууд Монгол Улс, ОХУ-ын иргэд 2014 оноос эхлэн харилцан визгүй зорчиж эхэлсэнтэй холбогдуулан Алтанбулаг-Хиагтын боомтоор нэвтрэх зорчигчийн тоо эрс өсч, ачаалал нэмэгдэн, үйлчлүүлж буй иргэдэд хүндрэл учруулж буй асуудлыг хэрхэн хамтран шийдвэрлэх талаар санал солилцсон байна. Мөн Эрхэмсэг ноён Элчин сайд Азизов Искандер Кубарович  талуудын цаашдын хамтын ажиллагааг өргөжүүлэх, иргэдийг  тавтай харилцан зорчуулахад  бүх талаар дэмжиж ажиллахаа илэрхийлжээ. Манай улсад ОХУ-ын 2500 иргэн оршин суудаг юм байна.