Сонгуулийн жилийн хаврын чуулган хууль батлах биш сонгуулийн шоу хийх талбар болоод өнгөрдөг жишиг бий УИХ-ын шинэ  оны анхны нэгдсэн чуулган өчигдөр хуралдав. Хуралдах ч гэж, ичсэн нүүрэндээ л хуралдсан боллоо. Уг нь төрийн апбаны ажил 08.30 цагт эхлэх ёстой, УИХ-ын нэгдсэн чуулган, Байнгын хороодын хуралдааныг 09.00 цагт эхлүүлэхээр товлогддог ч цагаасаа байнга хоцорч эхэлдэг нь гэм биш зан. Энэ удаа ч УИХ-ын дарга болон УИХ-ьгн ажлын албаныхан баярын амралтаасаа салах хүсэлгүй нойрмог гишүүдийг чирэх нь халаг чуулганы танхимд оруулж, арайхийн 51 хувийн ирц бүрдүүлж, чуулган 11.00 цаг дөхүүлж байж эхалсэн.

Энэ парламентын бүрэн эрхийн хугацаа дуусахад зургаан сар үлдсэн гэж байгаа ч ажил хийх боломжтой цаг нь ганц сар ч хүрэхгүй. Намрын чуулган Цагаан сарын үеэр завсарлаад, хаврын чуулган дөрөвдүгээр сард эхэлнэ. Намрын чуулган завсарлангуут гишүүд сонгуулийн ажилдаа шуудрах нь тодорхой. Сонгуулийн жилийн хаврын чуулган хууль батлах биш сонгуулийн шоу хийх талбар болоод өнгөрдөг жишиг бий.

Ажил хийе, асуудал шийдье гэвэл үлдсэн сар хүрэхгүй хугацааг алдалгүй ашиглах ёстойг гишүүд над мэтээр хэлүүлэлтгүй мэдэж л баймаар. Иргэдийн тэсэн ядан хүлээж буй орон сууцны ипотекийн зээлийн асуудал, улс орны эдийн засагт хүлээлт үүсгэсэн Гацуурт, Тавантолгойн ордын гацаа гээд шийдэл хүлээсэн олон асуудал байхад УИХ-ын нэгдсэн чуулганаар хэнд, хэзээ хэрэг болох нь мэдэгдэхгүй хэдэн хуулийн хэлэлцэх, эсэхийг шийдсэн болж, үдээс өмнийг аргацаагаад завсарлав. Шинэ он гарснаас хойш нам, эвслийн бүлгүүд, Байнгын хороод хуралдаагүй учраас хуучин онд хойш тавьсаар тунаж үлдсэн, ач холбогдлоор дулихан хэдэн хуулийн төслийг хэлэлцсэн нэр зүүсэн хэрэг. Намрын чуулган завсарлах хүртэлх ганц сарынхаа нэг долоо хоногийн сүүлийг дйнхүү хийсэн тоймтой ажилгүй үдэж буй нь энэ парламент хэр ажил хэрэгч байгааг харуулах биз.

Долоо хоног бүрийн даваа гарагт УИХ дахь нам, эвслийн бүлэг, Ажлын хэсгүүд, мягмар, лхагва гарагт Байнгын хороод, пүрэв, баасан гарагт нэгдсэн чуулган хуралдах хуваарьтай. Шинэ оны эхний ажлын өдөр буюу өнгөрсөн даваа гарагт Бүлгийн болон Ажлын хэсгийн хурал болоогүй тул Төрийн ордон ажин түжин өнжсөн. Харин мягмар гарагт Байгаль орчин, хүнс, хөдөө аж ахуйн байнгын хороо, Төсвийн байнгын хороо, Төрийн байгуулалтын байнгьга хороо хуралдана хэмээн хэлэпцэх асуудал, эхлэх цагийг нь зоосон тов гаргасан ч эдгээрийн нэг нь Эдийн засгийн байнгын хороо, Нийгмийн бодлого, боловсрол, соёл, шинжлэх ухааны байнгын хороо, Аюулгүй байдал, гадаад бодлогын байнгын хороод хуралдах ёстой байсан нь мөн л хойшилсон. Шалтгаан нь ирц бүрдээгүй гэх.

УИХ-ын гишүүдийн ирцийн мэдээгээр бол оны эхний ажлын өдөр долоон хүн гадаадад томилолттой, гурван хүн чөлөөтэй байжээ. Тэр өдөр ажлаа хийгээгүй бусад гишүүд ямар нэг шалтгаангүйгээр ажлаа тасалсан гэсэн үг.

Харин өчигдрийн байдлаар гадаадад ажиллана хэмээн томилолт авсан гэсэн гишүүдийн тоо гурваар нэмэгдэж, хоёр гишүүн орон нутагт ажиллана хэмээн мэдүүлжээ. М.Батчимэг гишүүн эмийн чөлөө, Ө.Энхтүвшин, Д.Баг-Эрдэнэ, Ц.Дашдорж, Өчигдрийн нэгдсэн чуулганд тэдний 49 нь оролцсон хэмээн бүртгуулсэн богоод санал хураалт явуулахад 39 нь дэмжсэн санал өгснийг самбарт гарсан дун илтгэсэн. Яг тэр мөчид чуулганы танхимд 19 гишуун сууж байлаа.  чөлөөтэй гэж бүртгүүлсэн байна Шалтгаангүйгээр ажил тасалсан болон чөлөө авсан нь өвлийн хүйтэн, хотын утаа, баярын хөл хөдөлгөөнөөс дайжиж гадаадад амраад, хараахан эргэж ирээгүй байгаа сурагтай.

Чөлөө мэдүүлсэн, томилолт авсан гишүүдийн цаана 59 гишүүн үлдэж байгаа биз. Өчигдрийн нэгдсэн чуулганд тэдний 49 нь оролцсон хэмээн бүртгүүлсэн бөгөөд санал хураалт явуулахад 39 нь дэмжсэн санал өгснийг самбарт гарсан дүн илтгэсэн. Яг тэр мөчид чуулганы танхимд 19 гишүүн сууж байлаа. Гишүүд картаа хийж бүртгүүлчихээд алга болсон хэдийнхээ өмнөөс танхимд сууж байсан гишүүд санал өгсөн хэрэг. Үүнийгээ тэд төгөлдөр хуур тоглох хэмээн гоёчилдог.

Өөрөө чуулганы танхимд байхгүй, карт нь гишүүнийг орлоод үлддэг, хажуугийн хүн өөрийнхөө хүссэнээр санал өгдөг нь ганц өчигдөр ч биш, байнга шахам давтагдцаг дүр зураг. Ард түмний төлөөлөл болж сонгогдсон, улс орноороо дагаж мөрдөх, магадгүй иргэдийн амь, амьдралыг шийдэх хууль батлах үүрэг хүлээсэн төрийн түшээд ажлаа ингэж л хийж байна. Бод доо, хувийн компанийн жолооч баярын амралтаа дуусгамааргүй байна хэмээн гурав хоног ажил таслаад ирюл захирал нь яах бол. Тэгснээ жолооны үнэмлэх, ажлын үнэмлэхээ хамт ажилладаг нөхөртөө үлдээгээд, машиныг маань унаад миний өмнөөс ажиллаж бай гээд алга болоод өгвөл тэр дороо халагдана даа. УИХ-ын гишүүдийн үйлдэл үүнээс юугаараа ялгаатай гэж. Сонгогчид бол УИХ-ын гишүүдэд ажил олгосон захирал нь гэдэг дээ. Тэднийг халах эрх сонгогчдод бий.

Х.УЯНГА /ҮНДЭСНИЙ ШУУДАН/