Өнгөрсөн оны сүүлчээр Налайх дүүргийн нутаг дэвсгэрт Зэвсэгт хүчний 337 дугаар ангийн “Ми-8” нисдэг тэрэг осолдсон хэрэг гарсан.

Ослын шалтгааныг тогтоохоор Зэвсэгт хүчний жанжин штабын ажлын хэсэг, Цагдаа, прокурорын албан хаагчид хамтран шалгаж байгаа юм. Харин осолдсон онгоцны хар хайрцгийн мэдээллийг уншуулахаар ОХУ руу илгээсэн гэдгийг албаны эх сурвалж мэдэгдлээ.

Уг ослын улмаас нисдэг тэрэгт зорчиж явсан арван хүн бэртэж, нэг хүн нас барсан байдаг. Бэртсэн хүмүүс Цэргийн төв госпиталд хэвтэн эмчлүүлж байгаад одоогийн байдлаар тав нь эмнэлгээс гараад байна.

Албан эх сурвалжийн мэдээллээр тус онгоцыг Зэвсэгт хүчний 337 дугаар ангийн дарга, хурандаа Г.Отгонбаяр барьж явсан гэх мэдээлэл бий. Мөн онгоцны хэрэгтэй холбогдуулан цагдаагийн байгууллага хэрэг үүсгэн, ажиллаж байгаа гэх мэдээлэл байна

Эх сурвалж: Unen.mn