Манай улсын иргэд гадаадын улс орон руу яваад ор сураггүй алга боллоо гэх мэдээлэл нэлээд гардаг.

Тэгвэл тэдгээр хүмүүсийн дийлэнх нь хэсэг хугацааны дараа ямар нэгэн байдлаар ар гэрийнхэнтэйгээ холбоо барьдаг, олддог гэдгийг албаны хүмүүс хэлж байгаа юм.

Харин гадаадын улс руу зорчоод олон жилийн турш ор сураггүй болсонд тооцогддог Монгол Улсын 40 орчим иргэн байдаг аж. Тиймээс энэ чиглэлээр Гадаад хэргийн яамны Консулын газраас тухайн улсад суух Элчин сайдын яамдтайгаа хамтран эрэн сурвалжлах үйл ажиллагааг явуулж, ар гэрийнхэнд нь хэргийн явцын талаар тогтмол мэдээлэл өгч ажилладаг байна.