Ардчилал гарсны дараа кино урлаг тодорхой цаг хугацааны турш доройтсон боловч сүүлийн үед сэргэн мандаж эхэлсэн. Өдөр бүр шахуу л кино театруудад болсон болоогүй кинонууд нээлтээ хийх болсон. Тэгвэл ирэх 2016 оны хамгийн анхны кино 1 сарын 1-нд нээлтээ хийхээр зэхэж байна. Энэ бол найруулагч Д.Галбаярын шинэ уран бүтээл “Шуугиан Таригч” нэртэй инээдмийн уран сайхны кино юм. Үргэлж инээдмийн киногоор үзэгчтэй уулздаг найруулагч Д.Галбаяр шинэ уран бүтээлийнхээ трейлэрийг цацаж эхэлсэн байна. Трейлэрийг үзэхэд урьд урьдийнх нь уран бүтээлүүдийг бодоход зураг авалт болон обьект нэлээдгүй дэвшилттэй санагдав. Гэхдээ киногоо хэтэрхий тайлагнаж, богино хэмжээний кино шиг тайлагнасан трейлэр болсон юм шиг. Мэдээж трейлэр ойлгомжтой байж л хүмүүсийн үзэх сэтгэгдэлийг төрүүлэх нь мэдээж. Харин “Шуугиан Таригч” УСК-ны трейлэр богино хугацаанд ямар үйл явдал гараад хэрхэн дуусах нь шууд л ойлгомжтой болох шиг. Найруулагч маань мөн өөрөө гол дүрийг бүтээжээ.  Ямартай ч шинэ оны эхний өдрийг инээдмийн киногоор эхлүүлсэн ч үйл явдал эхлэл, өрнөл, төгсгөл илт уг бүтээл олны анхаарлыг хэр татах юм бол…