Ашигт малтмалын газрын дарга асан Д.Батхуяг нарыг хууль зөрчиж 107 лиценз олгосон хэрэгт буруутган анхан болон давж заалдах шатны шүүхээс ял оноогоод байгаа. Мөн Үндэсний аюулгүй байдлын зөвлөлийн гаргасан шийдвэрийг зөрчин олгосон гэх 107 лицензийг цуцлах шийдвэр гаргасан юм. Тэдгээр хүчингүй болгохоор заасан лицензийг эзэмшиж буй 19 компанийн төлөөлөл өнөөдөр Сүхбаатарын талбайд жагсаал хийж байна. Тэд нэгэнт эрхийг нь авсан тусгай зөвшөөрлөө цуцлуулахгүйн тулд Түр зөвлөл байгуулж ажиллаж байсан юм. Түр зөвлөлд “Алтраг-Ахас”, “Нутгийн гантиг”, “Лотус баялаг флурспар”, “Есөн эрдэнийн ордон”, “Эн Юу Ти Эм”, “Голден гроуз”, “Сайхандэлгэр констракшн”, “Эм Жи Ти Жи”, “Жин корона”, “Окслэй гоулд”, “Айбекс Лэнд Монголиа”, “Фирст Ресурс”, “Ньюмон Ривер”, “Мэжик бридж”, “Монгол дизель” зэрэг компани нэгдсэн байна. Тэд 11.00 цагт Ерөнхийлөгчид шаардлагаа хүргүүлэх юм байна.

Эх сурвалж: Шуурхай.мн