УИХ дахь МАН-ын бүлэг өнөөдөр хуралдлаа. Хурлаар УИХ-ын чуулганаар энэ долоо хоногт хэлэлцэх асуудлын талаар болон УИХ чуулган завсарлах тухай хэлэлцсэн байна. Үүгээр УИХ-ын нэгдсэн чуулганыг завсарлуулах шаардлагагүй гэж үзжээ.

Тодруулбал, УИХ дахь МАН-ын бүлгийн дарга Н.Энхболд хэлэхдээ “ МАН-ын бүлгээс хэлэлцэх ёстой олон хууль өргөн барьсан. Гэвч чуулган завсарлаж хугацаа алдах нь буруу гэсэн байр суурьтай байна. Гэхдээ биднээс шалтгаалахгүй чуулган завсарлах бололтой байна. УИХ-ын үйл ажиллагаа сонгуулийн үйл ажиллагаанаас ангид байх ёстой. Ерөнхийлөгчийн сонгуулиас болж завсарлуулах шаардлагагүй” гэв.

  Эх сурвалж: Шуурхай.мн