УИХ-ын дарга, МАН-ын дарга М.Энхболд МАН-ын Бага хурлыг долдугаар сарын 8-ны өдрийн МАН-ын Удирдах зөвлөлийн хурлын албан ёсны шийдвэрийг өөрийн фэйсбүүк хуудаснаа дахин шэйрлэлээ. Тэрбээр “2017.07.08-ны өдрийн МАН-ын удирдах зөвлөлийн #албан ёсны хурлын шийдвэрийг 2017.07.19-ны өдөр сошл хаягуудаараа дамжуулан олон нийтэд мэдээлснээ дахин хариуцлагатайгаар хэлье” гэсэн юм.
2017.07.08-ны өдрийн МАН-ын Удирдах зөвлөлийн 10 дугаар хурлаар МАН-ын дарга М.Энхболд дараах асуудлыг оруулж хэлэлцүүлжээ.
Үүнд:
1. Ард түмний сонголтыг хүндэтгэн үзэж, шинэ ерөнхийлөгчийг наадмын өмнө тангараг өргүүлэх,
2. Ерөнхийлөгчийн сонгуулийн үйл ажиллагаа, үр дүнгийн талаар анализ хийж, дүгнэлт гаргах,
3. 2017 оны 09 дүгээр сард намын бага хурлыг зарлан хуралдуулах, сонгуулийн үр дүнгийн талаарх дүгнэлтийг хэлэлцэх, намын их хурлыг товлон зарлах,
4. МАН-ын ээлжит их хурлаар өнгөрсөн 27 дугаар их хурлаас хойших үр дүн, алдаа дутагдлыг авч хэлэлцэх, намын дунд хугацааны зорилго зорилтыг тодорхойлох, шинэ удирдлага 2020 оны сонгуульд бэлтгэх ажлыг эхлүүлэх нь зүйтэй хэмээн санал оруулсныг Удирдах Зөвлөлийн гишүүд дэмжсэн болно.
Ийнхүү МАН-ын Бага хурлыг 9 дүгээр сард хуралдуулах бололтой.
Холбоотой мэдээ
Comments are closed.
