Хар тамхи тээвэрлэсэн, хадгалсан хэргээр  Баянзүрх дүүргийн шүүхээс 11 жилийн хорих ял сонссон улсын начин Ц.Улаанхүүд холбогдох хэргийн давж заалдах шатны шүүх хурал энэ сарын 13-нд буюу ирэх пүрэв гаригт болох тов гарчээ. Анхан шатны шүүх хурал өнгөрсөн наймдугаар сарын 25-нд болж, шүүх бүрэлдэхүүн түүнийг хар тамхи тээвэрлэсэн, хадгалсан гэм буруутай гэж үзээд   чанга дэглэмтэй хорих ангид 11 жил хорих ял эдлүүлэх шийдвэр гаргасан ч тэрээр шүүхийн шийдвэрийг эсэргүүцэж, давж заалдах шатны шүүхэд хандаад байгаа юм.