Нийтийн дууны ханхүүгээр ард түмэндээ өргөмжлөгдсөн дуучин бол Самандын Жавхлан. Тэрээр сонгуульд нэрээ дэвшүүлж гэр бүлийн амьдралдаа хүртэл өөрчлөлт оруулж байнга сенсаацид өртөж  байдаг. Гал үндэстэн холбоог байгууллаа, дараа нь хөөгдлөө гээд л түүнийг тойрсон “хов жив” ч маш их.
Үндсэрхэг үзэл хүнд байх ёстой ч түүний хэт их туйлширч байгаа нь зарим нэг хүмүүсийн эгдүүцлийг төрүүлээд байгаа гэнэ. Учир нь нэг хэсэгтээ л нам гүмхэн байсан нийтийн дуучин маань саяханаас дахиад л хэвлэлээр 2600 ам. долларын үнэтэй хослолоороо малын нэмнээ хийх талаар ярьж яваа сурагтай. Хамгийн сонирхолтой нь тэрээр “Гадны улс орноос  оруулж ирсэн нэг ширхэг ч хувцас өмсөхгүй гэж дүвчигнэж бүх хувцасаараа малд нэмнээ хийж өгнө, гэхдээ л нэмнээ хийгээд олигтой болохгүй дээ зүйдэл ихтэй” гэж ярьсан гэнэ.  Гэр бүлийнхэндээ өгчихгүй яасын бэ гэсэн санал тавибал “Хамаатнууддаа ч гадаад хувцас өмсүүлэхгүй” гэсэн утгатай  хариулт өгсөн аж. Ингэж чадах болов уу гэх нэгэн байгаа ч авч суусан эхнэрээ монгол аргаар арга түшүүлж төрүүлж чадсан юм чинь хамаг хувцасаараа нэмнээ хийж чадах зориг  түүнд байж л таараа гэх нэгэн ч байна.
Монгол дээл хувцасаар гоёх нь хүн бүрийн бахархах  зүйл боловч манай улс өөрөө торго үйлдвэрлэх боломжгүй. Үнэтэй чанартай торго байтугай энгийн нэг даавууг эх орондоо үйлдвэрлэж чаддагүй “импортлогч” орон. Магадгүй манай Жавхлан “мундаг” юм болохоор торго, дурдан, даавууны үйлдвэр байгуулчихвал “гадны хувцас”  өмсөхгүй гэж хэлсэн нь биелэлээ олох л байх. Тэгээд ч түүний хэрэгцээ хангагдахын хэрээр монголчууд ч жинхэнэ “Made in Mongolia” үйлдвэрийн даавуугаар үндэсний хувцасаа хийж өмсөх цаг ирэх ч билүү.
Жавхлан гавъяат маань гадны хувцас өмсөхгүй гэж хэлсэн нь гадны материал ч хэрэглэхгүй гэсэнтэй утга нэг гэлтэй. Тийм болохоор гавъяат маань нэг хэсэгтээ “нудист” урсгалд л нэгдэх үлдэж байх шиг. Тэр чбүү хэл ах дүү хамаатан саднаа эгнээндээ нэгтэгчихвэл ч  “нудистууд”-ын гэр бүл бий болох нээ. Монголын нөхцөлд энэ нь даанч зохимжгүй юм даа, жилийн дөрвөн улирал , халуун хүйтэн гээд л. Тийм болохоор эрхэм хүндэт гавъяат минь хэзээ ч юу ч хамаагүй ярьж “сенсаацлаж” явахаар ард түмний хайр хүндэтгэлийг хүлээсэн дуучин байж, төрийн шагнал хүртсэн хүн гэдгээ харуулж яваасай гэж хүсмээр байна. Хатуудсан бол уучлаарай, гавъяат аа…

С.Хүслэн NUUTS.mn