Монгол Улсын нүүрсний экспорт энэ оны эхний хагасын байдлаар 40 хувиар буурсныг Засгийн газрын албаныхан баталсан тухай Оросын “Байкал24” мэдээллийн агентлаг мэдээллээ. Энэ салбараас коксжих нүүрсний экспорт ингэж огцом буурсны улмаас Засгийн газрын төлөвлөсөн хилийн чанадад 17 сая тонн нүүрс худалдах төлөвлөгөө бүтэлгүйтэж 10 сая тонн нүүрс экспортолжээ.

Уул уурхайн яамнаас мэдээлснээр Хятадын зах зээл дэх коксжих нүүрсний илүүдэл үнэ буурахад нөлөөлсөн байна. Албаныхны хэлснээр, Хятадын зах зээл дэх одоогийн үнийг өнгөрөгч оны мөн үеийнхтэй харьцуулбал нүүрсний үнэ даруй 45 хувиар унасан байгаа аж.

Шуурхай.мн