Улс орон хөгжихийн хэрээр залуус бас мөнгөтэй хүмүүсийн зугаа цэнгэл ч хүрээгээ тэлж, урд хожид дуулдаж байгаагүй парти, шоу цэнгээн, элдэв бусийн цуглаан зохион байгуулагдах нь олширлоо. Хараад байхад нь эдгээр шоу цэнгээн нь бас зиндаархана. Нэлээд хэсэг нь задгай талбайд балай авч байхад нөгөө хэсэг нь хэсэг бүлгээрээ нийлж, нэг газарт хаалттай парти зохиож, гаргах мэдээлэл, оруулах хүнээ ч цэгнэж учиртай шоуддаг болчихож. Энэ нь манай залуучууд “баасан ах”-ын төрсөн өдрийг аль эртнээс тэмдэглэж ирсэн, хашир туршлагатай холбоотой байж болох юм. Гэвч орчин үед учиртай шоуддаг болчихож. Маш өндөр төлбөр авч, тэднийг шоудсан гэх мэдээллийг тас нууж, гэрээ хүртэл байгуулдаг дээдсүүдийн бикинитэй парти хүртэл манайд анх удаа зохион байгуулагдсан байна. Хамгийн сонирхолтой нь энэ партид манай нэлээд алдартай УИХ-ын гишүүн залуухан нууц амрагтайгаа очиж, эхнэртээ баригдсан баартай түүх нь сонсогдох нь тэр.

Дээр шоудахдаа хүртэл зиндаархдаг болчихож гэж дурдаж байсан даа. Тэдний нэг нь саяхан манайдаа л хамгийн үнэтэй, дээдсүүд, гадаадынхан үйлчлүүлдэг гэдэг Тэрэлжийн таван одтой зочид буудалд маш нууцийн зэрэглэлтэй, бикинитэй парти зохион байгуулагдсан байна. Нэрээ хэлэхийг хүсээгүй эх сурвалжийн хэлж байгаагаар партигаар үйлчлүүлсэн хүн болгон 500 ам.долларын такс төлсөн буюу монгол мөнгөөр 730 гаруй мянган төгрөг төлжээ.

Энэ их мөнгөний хариуд зохион байгуулагчид нь үйлчлүүлэгч болгонтой нууц гэрээ гэж хийсэн байх юм. Нууц гэрээ гэдэг нь ийм парти зохион байгуулагдсан, партид хэн хэн ирсэн талаар ямар нэгэн мэдээлэл хэнд ч хэлэхгүй гэсэн гэрээ бөгөөд зохион байгуулагчдын талаас ч эдгээр хүмүүсийг хаана ч хараагүй, хэнтэй ирсэнийг ч мэдэхгүй тангарагийг энэ гэрээгээр тавьсан байна. Бикинитэй парти гэдэг нь усны хувцастай загвар өмсөгч охидуудтай парти гэдгийг уншигч та аль хэдийнэ ойлгоо биз. Өндөр зэрэглэлийнх болохоор урдаа барьдаг загвар өмсөгчид бүгд очсон гэдэг. Мөн гадаадаас тайчигч, бүжигчид авчирч, нэгэн орой Тэрэлжийн 5 одтой буудалд жинхэнэ зугаа цэнгэлийг мэдрүүлсэн аж.

Одоо хамгийн сонирхолтой хэсэгтээ оръё. Ийнхүү монголд анх удаа ийм өндөр зэрэглэлийн бас маш нууцлалттай бикинитэй парти  болохоор дээдсүүд бүгд л хошуурцгааж. Зарим нь бүр нууц амрагтайгаа ирсэн байна. Учир нь уг партиг зохион байгуулагчид нууц гэрээ хийж, хэн хэнтэй ирсэн талаар хэнд ч хэлэхгүй гэсэн болохоор бүгд итгэцгээж. Гэтэл тэнд нэгэн гэр бүл салах шахсан байна. Нууцлалтай гэсэн болохоор нөхөр нь эхнэрээ мэдэхгүй гэж бодоод нууц амрагаа, эхнэр нь нөхрөө энэ партины талаар мэдэхгүй гэж бодоод нууц амрагаа дагуулж ирсэн байна. Гэвч тэд парти дээр тааралдаж, салах дээрээ тулсан байна. Эх сурвалжийн хэлж байгаагаар эдгээр амрагийн явдлаараа баригдсан хүмүүсийн нэг нь УИХ-ын гишүүн байсан аж. Нөхөр нь үү эсвэл нууц амраг нь уу гэдгийг тодорхой хэлэхийг хүсээгүй ч УИХ-ын гишүүн гэдэг нь баттай гэнэ.

Х.Сүх

Эх сурвалж: Chuhal.mn