“Оюутолгой 51” хөдөлгөөнөөс Оюутолгойн өнөөгийн асуудлаар мэдээлэл хийлээ. Тус олон нийтийн хөдөлгөөний зорилго нь хамтарсан Засгийн газрын “Айвэнхоу Майнз” компанитай байгуулсан “Оюутолгой” орд баялагийг ашиглах хөрөнгө оруулалтын гэрээний ашгийн хувийг өсгөн 51 хувь  болгоход  чиглэгдэж байгаа юм байна. Мөн энэхүү гэрээг байгуулсан албан тушаалтнуудтай хариуцлага тооцох, ТУЗ-ийн гишүүдийг ажлаа үр бүтээлтэй хийхийг шаардаж байгаа гэдгээ энэ үеэр мэдэгдэв. Энэ үеэр хөдөлгөөний үүсгэн байгуулагчид  “Гэрээ байгуулагдаад дөрвөн жилийг ардаа үдлээ. Энэ хугацаанд ард түмэнд үр ашгаа өгөөгүй бөгөөд  Монголчууд улс төр, эдийн засаг, стратегийн санаачлагаа бүрэн алдсаныг харуулах бэлээхэн баримт болсон, энэхүү гэрээ ямар нэгэн байдлаар буруу болжээ.”  гэв. Энэхүү хөдөлгөөнд Дэлхийн агаарын бохирдлыг бууруулах сан, “Миний монголын газар шороо” хөдөлгөөн, экологийн чиглэлээр үйл ажиллагаа явуулдаг албан байгууллагууд нэгдээд байгаа юм байна. Тэд “удахгүй ерөнхийлөгчөөр сонгогдох  ерөнхийлөгчийн хамгийн эхний хийх ажил бол энэхүү “Оюутолгой” орд баялагийг ашиглах хөрөнгө оруулалтын хууль бус гэрээний ажил юм” гэв.

Эх сурвалж: Шуурхай.мн