МАН-ыг олон удаагийн сонгуульд ороход өөрийн гэсэн тодорхой үүргийг ил далд гүйцэтгэж ирсэн тус намын дэргэдэх санал асуулгын “Прогноз” төвийнхөн маш нууц мэдээллээ МАХН-ын дарга Н.Энхбаярт алдчихжээ. Алдахаар барахгүй, Н.Энх­баяр түүнийг нь өөрийнхөө хэвлэлээр цацаад Мон­голын ард түмний хүртээл болгочихов. Хамгийн ихээр нууцалж байсан нууцаа МАН-ынхан алд­чих­сан гэсэн үг. Ингээд өчигдрөөс эхлэн МАН-ынхан бие биенээ дотроо хардаж эхэлжээ. Хамгийн гол нь залуучуудынхаа эгнээнд сайтар ажиглалт хийж, энэ эгнээнээс гадагшаа мэдээлэл гаргасан гэж тоо­цоолж байгаа гэнэ. Баттай эх сурвалжийн хэлж байгаагаар бол МАН-ын Ерөнхий нарийн бич­гийн дарга У.Хүрэлсүх “Прогноз”-ын залуусыг нүүр нүд­гүй загнаж, “Та нар энэ мэдээллийг гадагшаа гаргасан эзнийг олж өгөөрэй. Муусайн хулгайчууд аа, Н.Энхбаяр та нарт юу өгсөн юм. Би Энхбаярын тагнуулыг олохдоо л нэг олно” хэмээн цамнаж гарчээ. Энэ нь эртнээс нэр нь унах болсон МАН-ынханд ёстой л тэнгэр нураад ирэх шиг болоод байгаа ажээ. Өндөр зэрэглэлийн нууцлалтай гэг­дэх энэхүү судалгаагаар тэдний гол өрсөлдөгч Ард­чилсан намынхан нийслэлийн нийт иргэдийн 15,4 хувийн санал авсан байхад МАН 13.1 хувь авсан дүнг тэр чигээр нь нийтэлчихжээ.

Тэр ч бүү хэл тэдний бас нэг өрсөлдөгч МАХН нийт ир­гэдийн 6.1 хувийн санал авч МАН-ыг чичрүүлж эхэлсэн нь дээрх судалгаагаар нэгэнт ил болсон байсан юмсанж. Тэ­гэ­хээр намын генсекийн ог­ло харайн босч, орилж хаш­гирах нь аргагүй шүү дээ. Хамгийн гол нь тэд тус судал­гааны төвд Н.Энхбаярын таг­нуул шургалсан байна гэж үзээд залуусаа хардаж, хараа хянал­таа чангаруулаад байгаа гэнэ.

“Прогноз” төв нь одоогоор нэрээ сольж, “Нийгмийн ард­чиллын хүрээлэн” болчихоод байгаа бөгөөд хамгийн гол нь энэхүү судалгааны төв нь МАН-ын сонгуулийн ажлын хамгийн том чиг баримжаа болж өгдөг төдийгүй, тус судалгааны үр дүнгээр тэд олон удаа ялалтыг байгуулж байжээ. МАН-ынхан уламжлал ёсоор ийнхүү өн­гө­рөгч есдүгээр сарын 16-30-ны хооронд нийслэлийн иргэдийн дунд нарийвчилсан судалгаа явуулж, судалгааны жинхэнэ бодит дүн гарч, юу юугүй намынх нь рейтинг унасан дүр зураг гарч л дээ.  Судалгааны дүнг үнэн бодитоор нь олонд хүргэвэл нэгэнт унасан намынх нь нэр хүнд шавар шавхайд хутгалдчих гээд байдаг бо­ло­хоор намаа өндөрт өргөх, су­далгаагаар улстөрийн МАН-ыг бусад намуудын тэргүүн эгнээнд явж байгаагаар “зохион байгуулах” гэж байсан судалгаа нь үнэн мөнөөрөө хэвлэлийн хуудаснаа дурайтал гараад ирэхээр боож үхэх шахах нь аргагүй.

Үргэлжлэлийг ЭНД дарж уншина уу.