Энэ сараас эхлэн манай улс шатахуунаа олон улсаас импортлодог болсон. Өмнө нь зөвхөн ОХУ-ын  “Роснефть” компаниас оруулж ирдэг байсан учраас шатахууны үнэ байнгын өсөлттэй байсан төдийгүй өргөн хэрэглээний бараа бүтээгдэхүүн, үйлчилгээний салбарынхан үнэ ханшаа өсгөдөг байсан юм. Тэгвэл энэ сараас эхлэн олон улсаас импортлохоор болсон нь шатахууны үнэ буурах үндэслэл болоод буй.

Тухайлбал, БНХАУ, БНСУ, Белорусс зэрэг улсаас шатахуун нийлүүлэхээр гэрээ байгуулан ажиллаж байгаа аж. Одоогоор яг хэднээс эхлэн шатахуун хямдрах товыг хэлэх боломжгүй ч энэ сардаа багтаан үнийг бууруулах тухай албаны хүнд мэдээлжээ. Харин ямар компани хэдэн төгрөгөөр бууруулахыг тухайн үед нь нийтэд мэдээлэх аж. Цаашид шатахууны үнэ буурахаас өсөхгүй гэлээ.

Эх сурвалж: Шуурхай.мн