Дуучин Д.Болд, “Гурван охин” хамтлагийн дуучин Соло нарын хамтран дуулсан “Хагацаж чадах уу?” дууны клип гарлаа.  Их зохиолч Д.Нацагдоржийн “Учиртай гурван толгой” зохиолыг мэдэхгүй монгол хүн ховор. Тэгвэл энэхүү алдартай бүтээл найруулагч Д.Золбаярын найруулгаар кино дэлгэцнээ гарах гэж байна. Тус киноны гол дүрийг “Х-Түц” хамлагийн жүжигчин Д.Баттөмөр буюу Батаа, залуу жүжигчин З.Онон, “Монгол модель” агентлагийн загвар өмсөгч О.Амгаланбаатар, “Эра модель” агентлагийн загвар өмсөгч Б.Сайнаа нар бүтээжээ. Харин киноны чухал ажлын нэг бол дуу. Түүхэн зохиолыг орчин үеийн үйл явдалтай хослуулан залуусын хайр сэтгэлийн талаар өгүүлэх уг киноны дууг “Камертон” хамтлагийн дуучин Д.Болд, “Гурван охин” хамтлагийн дуучин Д.Солонго нар дуулжээ. Тэдний дуулж буй “Хагацаж чадах уу” дуу хэдийгээр киноны дуу ч гэлээ, клипээ тусдаа зохиолоор хийсэн байна.