Дуучин Р.Номин-Эрдэнэ уран бүтээлээсээ хөндийрч бизнес эрхлэх болсон.

Гэхдээ тэрээр бүр мөсөн урлагаас хөндийрөөгүй аж. Дуучин Р.Номин ангийн анд дуучин Д.Болдтой хамтран хоёр ч уран бүтээл хийж байгаа бөгөөд удахгүй олны хүртээл болгох гэнэ. Номин урлагийн тогоонд багтаад даруй 10 гаруй жилийг үдэж байгаа, “хуучин бууны хугархай” хэмээдэг ч нэг удаа ч бие даасан тоглолтоо хийгээгүй. Харин одоо тоглолт хийх тухай бодох болсон тухай ярьсан. Сонирхуулахад Р.Номио болон дуучин С.Сэрчмаа нар үй зайгүй найзууд бөгөөд хоёулаа Христид итгэдэг болохоор үзэл бодол, үг яриа нь ихэд нийлдэг гэсэн. Найз бүсгүйчүүл саяхан “Бодлын хулгайч” уран сайхны киноны нээлтэнд хамтдаа ирж ая дуугаа өргөсөн юм.