Манай улсын ерөнхийлөгч НҮБ-ын албан ёсны гишүүн орны төрийн тэргүүний хувьд НҮБ-ын 66 дахь удаагийн дээд хэмжээний чуулганд оролцож байгаа. Чуулганы үеэр нэгэн хөгтэй ч гэмээр явдал болсон манай ерөнхийлөгчтэй холбоотой. Мягмар гаригт чуулганы үеэр нэлээд хэдэн орны тэргүүнүүд, тэдний дунд НҮБ-ын ерөнхий нарийн бичгийн дарга Бан Ги Мун, АНУ-ын ерөнхийлөгч Барак Обама, манай ерөнхийлөгч Ц.Элбэгдорж нар гэрэл зургаа татуулсныг та бүхэн харж байна. Хөгтэй ч гэмээр харамсалтай ч гэмээр зүйл болсон нь гэрэл зураг авах үед Барак Обама хэт олны анхаарлын төвд байгаагаа мэдэрснийх үү ганцаараа баруун гараа өргөн мэндчилэхдээ манай ерөнхийлөгчийн нүүрийг таглаж орхижээ.  Мэдээж энэ гэрэл зургийг дахин засаж янзалсан нь лавтай. Гэсэн ч гэрэл зурагчид л болсон хойно зургийг америкийн хэвлэлүүдээр тарааж орхижээ.
Гарчгийг нь “Ерөнхийлөгч Обама ганцаараа биш гэдгээ мартсан бололтой” хэмээн өгчээ.

АНУ-ын Нью-Йорк хотноо НҮБ-ын 66 дахь удаагийн дээд хэмжээний чуулган хуралдаж байгаа билээ. Энэ чуулганаар дэлхийн геополитикийн газрын зурагт өөрчлөлт оруулах тухай асуудал хамгийн гол сэдэв болоод буй. Нэг үгээр хэлбэл Палестины тусгаар тогтнол. Тиймээс энэ өдрүүдэд НҮБ-ын чуулган болоод АНУ-ын ерөнхийлөгч Барак Обама, Палестины ерөнхийлөгч Махмуд Аббас нар дэлхий нийтийн хэвлэл мэдээллийн анхаарлын төвд байгаа билээ.

Тэгвэл их гүрний ерөнхийлөгч анхаарлын гол төвд байгаагаа хэт мэдрэв үү, манай ерөнхийлөгч дэргэд нь байгааг мартаж орхио юу.

Та бүхэн энэ зургийг өрнөдийн томоохон мэдээллийн агентлагуудаас харж болно. abcnews.com, www.guardian.co.uk болон АНУ-ын улстөрийн мэдээллийн хамгийн томоохон агентлаг болох huffington.post зэрэг хэвлэл мэдээллийн хэрэгслүүдээр энэ хөгтэй явдлын тухай онцлон мэдээлсэн байна.