Зах зээлийн нийгэмд бүх бараа картанд орж тоотой хэдэн дарга импортын элбэг барааг ширээн дээрээ алаглуулдаг байсан үе ард хоцорч өнөөдөр бид ямар л бол ямар дэлгүүрээс юу хүссэнээ аваад хэрэглэх боломжтой болж.

Шил шилээ даран гарч ирсэн Миний, Таны арай л хүнийх гэж байхгүй олон супермаркетуудын нэг нь Өдөр бүр эрүүл хүнс уриатай Everyday сүлжээ дэлгүүр. Өдөр бүр эрүүл хүнсийг хэрэглэгч, худалдан авагчиддаа хүргэнэ гэдэг ч үнэн хэрэгтээ өдөр болгон авсан талх хөгцтэй байгаа нь  бухимдал төрүүлж байгаа юм.

Ер нь тус дэлгүүрээр үйлчлүүлэгчид ижил төрлийн үйлчилгээтэй супермаркетийн худалдан авагчдаас хамаагүй цөөн гэдэг нь эндээс харагдаж байна. Бусад сүлжээ дэлгүүрээс но-той бараа илэрч хэрэглэгчдийг бухимдуулдаг ч арай ч эднийх шиг өдөр бүр хөгцтэй талх зардаггүй л байх.
Тиймээс Everyday супермаркет хэрэглэгчдийг татах гэж дээрээ хадсан уриа шигээ өдөр бүр эрүүл хүнс зардаг больё. Тэгэхгүй бол бизнесийн хууль хатуу, хэрэглэгчдийн сонголт их шүү.