Найр наадам хэсч, охины хурим ойн баяр тэмдэглэн хундага тавилгүй наргиж хутга амраалгүй дургиж яваа эрхмүүдэд намрын синдром хөдөлж намын засгийн мөрийн хөтөлбөр хэцүүдлээ гэсээр амлалт нэхэх ард түмний холбооноос сэтгүүлчдэд ээлжит “нэхлээ” учиглалаа.

Тэд энэ удаад бид бэлгэвч болмооргүй байна гэсэн. Арга ч үгүй биз. “Уянгаа, чи мөнгөнд дуртай, бүр дэндүү дуртай, өнгө, үнэр, амтаар нь ялгаж чаддаг гэж хэлдэг штээ. Эр нөхрөө мэхэлж, ар хударгаар нь тавьж чаддаг хүн эх орон, элгэн садан, ард түмэн гэж ярих хэрэггүй л байхгүй юу. Хамгийн эхлээд эр нөхөртөө үнэнч бай гэж би чамд зөндөө хэлж байсан даа”  гэх мэтээр  сайтанд тавигдсан ярилцлага мэдээлэл бүрийнхээ доор баахан донгодуулдаг Уянга тэргүүлэгч нь хүртэл гоол алдаж их төрийн үймээн дундуур бага хүнээ угтаж авсан хойно.