“Монгол газар”,  ХХК-ийн захирал Ц.Мянганбаярыг өнгөрсөн сараас эхлэн УМБГ-ын Байгаль орчны журмын эсрэг гэмт

хэргийг мөрдөх хэлтсээс эрүүгийн хэрэг үүсгэн шалгаж, мэдүүлэг авч эхэлжээ. Түүнийг Эрүүгийн хуулийн 208.2 дахь хэсэгт заасан  Усны тухай хууль зөрчсөн,  214.3 дахь хэсэгт заасан хууль бусаар ашигт малтмал олборлосон, орлогоо нуун дарагдуулж татвараас зайлсхийсэн хэрэгт буруутгаж шалгаж эхлээд байгаа юм. Хэрвээ Ц.Мянганбаярын гэм буруутай нь шүүхээр тогтоогдвол 3-7 жилийн хорих ялаар шийтгүүлэх аж. Хэрэг үүсгэх болсон үндэслэл Архангай аймгийн Цэнхэр сумын нутагт нөхөн сэргээлт хийсэн талбайд аж ахуй нэгжүүдтэй гэрээ байгуулж, 100 сая хүртэлх төгрөгийн төлбөр авч, эфель угаах үйл ажиллагааг эхлүүлсэн нь мэргэжлийн байгууллагаас хийсэн шалгалтаар тогтоогдсон байна. Тодруулбал: Харгуйт, Будант, Өлзийт тээл, Их тээлийн голын усыг их хэмжээгээр бохирдуулсан гэж үзжээ.