Нийтийн дуу сүүлийн үед хүчээ аваад байгаа. Түүнийгээ дагаад таньж мэдэхгүй олон дуучид гарч уул, ус, нутаг орон, амраг хайртын тухай дууг баруун солгойгүй дуулах шиг болж байна.

Тэр олон дуучин дундаас тодорч гарч ирнэ гэдэг хэр баргийн аавийн хүү, ээжийн охины чадах зүйл биш гэдэг нь ойлгомжтой. Нэг үеэ бодвол нийтийн дууны хэв маяг өөрчлөгдөж хотын хөгжил гэж ярьдаг хүмүүс ч сонсох болсон. Нийтийн дуу ийм амжилтанд хүрэхэд аливааг бусдаас өөрөөр харах нэгний хувь нэмэр их бизээ. Тэдний нэг бол СТА Д.Намсрайноров. Тэрээр дуулж эхлэхдээ л нийтийн дууны тогтсон хэв маягийг өөрчлөн шинэ имидж бүрдүүлэн гарч ирсэн. Тэр нь багагүй амжилтанд хүрч тоглолтоо зал дүүрэн үзэгчтэйгээр хийсэн билээ.

Дуучны маань эцэг эх нь Төв аймагт мянга гарсан малаа маллан амьдардаг аж. Дуучин хүүгээ эхнэр авч өрх тусгаарлахад нь амьдрах орон байр бэлдэж өгөөгүйгээс Намсрайноров байр түрээслэн амьдардаг байжээ. Эцэг эхээсээ юм авахгүйгээр өөрийн хүчээр амьдралаа авч явах гэсэн дээ тэр үү эцэг эх нь нарийн тооцоотой хүмүүс болоод тэр үү дуучин хүүгээ түрээсийн байранд амьдруулдаг байжээ.