Н.Энхбаяр тэргүүтэй МАХН, М.Энхсайханы МҮАН-ынхан өнгөрсөн долоо хоногийн сүүлээр хэлэлцүүлэг, их: хурлаа хийгээд завгүй байсан бол МАН-ынхан бямба гарагт Гачуурт тосгон дахь «Монгол шилтгээн»-д тас шоудаж өнжлөө. Хор найруулах, «панаалдах» эвсэж, найрамдах, доргисон сэтгэлээр бусдыгаа уриалан дуудах, урван тэрслэх гээд халамцуу үед бөөнөөрөө наргиж буй хүмүүсээс төрөл бүрийн үзэгдэл урган гардаг. Ойрын өдрүүдэд ядаж байхад МАХН, МҮАН гээд улстөрийн бусад хүчнийхэн уур хүргээд байгааг ч хэлэх үү, МАН-ынханд ууж, идэх шалтгаан бишгүй л бий биз. Тиймээс тэд өнгөрсөн бямба гарагт «Монгол шилтгээн» гэх өртөг өндөртэй газарт зад шоудаж өнжив. МАН-ын тугийг орой дээрээ зоосон долоо найман автобус, янз бүрийн жийп, жижиг тэрэгнүүд «Монгол шилтгээн»-ий гаднах зогсоолыг пиг дүүргэснээс үзвэл тэд олуулаа байсан бололтой. «Ард түмнээ сонсъё»    аяны   хүрээнд   орон   нутгаар чамгүй хэсч, зугаацсан тэдний халаас дундрах битгий хэл зузаарсаар байгаа нь илт. Иргэдийн татвар татаасаар наргиж, цэнгэж, хэрэн хэсч дуусаагүй л юм байх даа, энэ МАН-ынхан.