Хөдөлмөр аюулгүй байдлын журам зөрчсөний улмаас барилгаас нэгэн иргэн унаж амиа алдлаа. Тодруулбал, өнгөрсөн бямба гариг буюу энэ сарын 23-нд Сүхбаатар дүүргийн нэгдүгээр хороо, “Замын цагдаагийн газрын ард баригдаж байгаа барилгаас хүн унасан” гэсэн мэдээлэл цагдаагийн байгууллагад иржээ.

Мэдээлийн дагуу шалгахад Сүхбаатар дүүргийн 13-р хороонд суух  41 настай эрэгтэй Н нь барилгын 10 давхарт гадна пасадны ажил хийж байгаад өндрөөс унаж нас барсан байжээ. Эл хэргийг Сүхбаатар дүүргийн цагдаагийн нэгдүгээр хэлтэст шалгаж байна.

Уг барилга нь “М-Ти-Си” ХХК-ны барилга бөгөөд баттай эх сурвалжийн мэдээлж буйгаар тухайн өдөр барилгын гадна пасапны ажил хийхэд цаг агаарын хувьд маш тохиромжгүй өдөр байсан гэв. Учир нь өнгөрсөн амралтын өдөр бороо, мөндөр орсон, цаг агаарын хувьд маш тааламжгүй өдөр байсан билээ. Гэвч энэ үед тус компанийн зүгээс хөдөлмөрийн аюулгүй ажиллагааны дүрэм журмаа биелүүлэхгүйгээр ажилчидаа ажилд гаргасан нь энэхүү эмгэнэлт явдал гарахад хүргэсэн бололтой. Одоогоор тус барилгын ажил хэвийн явагдаж байгаа аж.