Бэлгийн цөөнх гэдэг ойлголтыг нийгэмд хэр чадлаараа ойлгуулж, хүлээн зөвшөөрүүлж бусадтай л адил эрх тэгш амьдралыг зорьж яваа трансжендер мисс Б.Солонгыг танихгүй хүн ховор болсон. Өөрийнхөө боловсрол, мэдлэг чадвар хийгээд тэсвэр тэвчээрийн мятрашгүй зоригтой гэдгээ харуулж яваа тэрээр сүүлийн үед хүссэн зорилгодоо бараг л хүрч байгаа гэж хэлж болно. Учир нь бусдад хүлээн зөвшөөрүүлээд зогсохгүй маш олон дэмжигчидтэй болно гэдэг түүний чамгүй хөдөлмөрлөсний үр дүн юм. Саяхан гэхэд л телевизийн “Би хэн бэ” шоу нэвтрүүлгээр өөрийнх нь нэрийг таалгаж байгааг хараад дэмжигчиддээ түүнийгээ баяртайгаар хуваалцсанаас гадна өөрийн гэсэн нэвтрүүлэгтэй болоод ч амжсан билээ. Зөвхөн улсдаа ч гэлтгүй гадны орны уран бүтээлчдэд ч ихэд тоогдох болсон түүнийг Америкийн алдарт “People” сэтгүүл хүндэт зочноороо урьжээ. Дэлхийн оддын тухай бичиж нийтлэдэг тус сэтгүүлд эх орныхоо үзэсгэлэнт бүсгүйчүүдийн төлөөлөл болохоор алс холыг зорих гэж байгаа гэнэ. Ажил амжилтын карьер нь өндөрт яваа мисс бүсгүйн хувийн амьдрал ч мөн таатай байгаа бөгөөд төрснөөс нь хойш хүлээн зөвшөөрөөгүй байсан гэр бүлийнхэн нь саяхнаас хүлээн зөвшөөрсөнөөр ээжийндээ байнга л очих болжээ. Удахгүй найз залуугаа хайртай дотны хүмүүстэйгээ танилцуулж нижгэр хурим найр хийх төлөвлөгөөтэй байгаа гэнэ шүү.

Эх сурвалж:Шуурхай.мн