“Франц үнсэлт”, “Луйварын хот”, “Сая километр” тэргүүтэй кино уран бүтээлүүдээс гадна дэлгэцийн олон бүтээлд хүч сорьж яваа чадварлаг залуу уран бүтээлч болох Т.Билэгжаргалыг уншигчид андахгүй. Шулуун шударга яриагаараа энд тэндхийн ярилцлагуудад үргэлжийн донсолж явдаг тэрээр сүүлийн үед хэвлэл мэдээллээр ховор харагдах болсон. Хувь хүний зан төлвөөрөө хурц шийдэмгий үг хэл, үйл хөдлөлтэй түүнийг олон түмэн хэрцгий догшин гэж дүгнэдэг гэхэд хилсдэхгүй. Оюутан ахуй цагаасаа дуучин Г.Анхмаатай мөр мөрөө түшилцэж найман жилийн хамтын амьдрал зохиож хөөрхөн охинтой болцгоосон ч удалгүй сүр дуулиантайгаар хоёр тийш болцгоосон билээ. Түүнээс хойш элдвийн эмэгтэйчүүдтэй нэр нь холбогдож хар тамхичин гэх нэрийг хүртэл зүүгээд байсан тэрээр сүүлийн үед халамжит сайн аавын үүргийг биелүүлж яваа сурагтай. Хосуудын дундаас төрсөн хайртай охин Б.Ундаргатайгаа үе үе уулзаж романтик болзооны ханхүү нь болдог гэнэ. Үртэй хүний жаргалыг өдөр бүр эдэлж байгаагаа өөрийн цахим хуудастаа тэмдэглэж сайн аав халамжит эцэг гэдгээ харуулахаас гадна тэрээр ихэд томоожсон гэдгээ ч олонд харуулахыг хүссэн бололтой.

Эх сурвалж:Шуурхай.мн