Амаржаад удаагүй байгаа П.Анужин гэх бүсгүй сүүлийн үед нэлээн шуугиан тарьсаны эцэст ээж болж түүний талаар хар бараан мэдээллүүд хэсэгтээ намжсан ч саяхан хүүхдийнх нь эцгийн асуудал ерөнхийлөгчтэй хүртэл холбогдоод амжсан. Чухамдаа гадаад албаны ажилтан, олон улсын хуульч, бас макробиотик судлаач мэргэжилтэй гэгдэх бүсгүй шинэ хүнээ асарч тойглохын зэрэгцээ өөрийнхөө мэргэжлийн дагуу эхлүүлсэн ажил нь амжилт ихтэй байгаа сурагтай. Тодруулбал тэрээр макробио­тик судлаач гэх мэргэжлээ арга билгийн тухай, хүн хүнээрээ амьдрахуйг судалдаг ухаан бөгөөд хүн тэр дундаа хүний бие махбодийг бүтээж бай­даг хоол тэжээл, түүнээс шууд шалтгаалан хувирч өөрчлөгдөж байдаг эрүүл мэнд, сэтгэлзүйг судалдаг ухаан гэж тайлбарласан байдаг. Тэгвэл үүнийхээ дагуу “Мацагтан Монгол” хэмээх пэйж хуудсыг ажиллуулж түмэнд сошиал ертөнцөөр түүнийгээ танилцуулж тунчиг идэвхитэй байгаа гэнэ. Охид бүсгүйчүүд, дөнгөж төрсөн ээжүүд заавал эмэгтэйчүүд ч гэлтгүй өөрийнхөө эрүүл мэндэд анхаардаг хүн бүрт хэрэгтэй мэдээллийг хүргэж, зөвлөж байгаа тул өнөөдөр 42 мянга гаруй гишүүнтэй өнөр болсон байна. Түүний алтан хамтрагчаар UBS телевизийн хөтлөгч Анхбаяр тодроод байгаа бөгөөд мэдээллээ шууд бичлэг /лайв/хэлбэрээр хүргэж хамтдаа суугаад хүмүүсийн асуусан асуулт бүрт хичээнгүйлэн хариулж өгдөг гэнэ шүү.

Эх сурвалж:Шуурхай.мн