“Яг түүн шиг” 2 шоуны өндөр босгыг тогтоочихоод байгаа жүжигчин Т.Бархүүгийн хамгийн эхний хувирал үзэгчдэд тунчиг ихээр таалагдсан. Урьд өмнө нь тус шоуны тайзан дээр дуучин Дэлгэрмөрөнг авчирч байсан ч ингэж дуурайдаг юм гэсэн шиг жинхэнэ жүжигчин мэргэжлийнхээ ид шидийг гаргаж дуу хоолойг нь ч уяртал дуурайж харагдана лээ. Харин түүний хүндхэн даваа хэдий нас ахисан ч урлагтаа үнэнчээр зүтгэж яваа АНУ-ын алдарт дуучин CHER-ийг дуурайхаар болсон юм. Дуучин хатагтай маань хэдийгээр 70 насыг зооглоод байгаа ч манайхны хэлдгээр мөнхийн залуугаараа мэт гэрэлтдэг торон хувцас, гялтгануур гоёл чимэглэл, хөх өгзгөө ил гаргасан хурц шийдэлтэй хувцаснуудаараа залуучуудаас дутахгүй гэдгээ гайхуулан гялалзаж яваа. Гадны орны халуухан бүсгүйг эх орныхоо тайзан дээр авчирна гэдэг хүндхэн давааг нуруундаа үүрч дэмжсэн хүмүүсийнхээ итгэлийг алдчихгүйн тулд Бараа маань нэлээн сандарч яваа бололтой. Тэрээр өөрийн цахим хуудастаа “Ээ бурхан минь CHER хатагтай маань яасан ч айхтар хувцасладаг хүн бэ дээ! Намайг ингээд гараад ирвэл цочихгүй бээз хүмүүсээ. Аль хувцас нь дээр вээ? Туслаарай” хэмээн хошигноод амжжээ. Дэлхийн томоохон улс гүрнүүдийн одууд нэгэн зэрэг амилдаг ням гарагийн үдэш Т.Бархүү жинхэнэ жүжигчин хүн гэдгээ нотолж чадах болов уу?

Эх сурвалж:Шуурхай.мн