Хэвлэл мэдээллийнхэн олны анхаарлыг татаж, хаана ч байхгүй давтагдашгүй санааг олох гэж бие биенээсээ өрсөн төрөл бүрийн жанраар өдөр бүр төсөл нэвтрүүлгүүдийг төрүүлэх гэж хэр чадлаараа л мэрийж байх шиг. Ямарсайндаа л шөнийн нэвтрүүлэг нэртэй хоёр хүүхнийг хагас нүцгэлүүлж, зочдоо согтууруулах ундаагаар дайлдаг гээд сонирхолтой байлгахын тулд юуг ч хамаагүй зольдог зоригтой дүр зургууд хаа сайгүй харагдах болж. Түүний нэгээр “Тарагтай боов”-ыг нэрлэж болно. Нэрэн дээрээ ихээхэн ач холбогдол өгч анхаарал татах маркетинг нь ч биелээд амжсан тус нэвтрүүлгийн ээлжит зочноор залуу дуучин Чойжоо оролцов. Амьдрал дээр ихэд даруухан түүнийг хөтлөгч бусгүй уламжлал ёсоороо хэдэнтээ “бантуулаад” авч харагдана лээ. Дуучны бүтэн нэр болох Чойжилсүрэнг Дулмаа гэдэг шиг ямар хөдөө нэр вэ?, Манай Энэрэл чамайг тоохооргүй сайхан модел хүн шүү дээ гэх зэргээр зочноо доош нь хийсэн явдал олон хүний дургүйг нь хүргэв.  Хэтэрхий сул чөлөөтэй үг хэллэг, зочноо хүндэлдэггүй араншин гээд ёс зүйгүй байгаа байдал нь мэргэжлийн хүмүүсийн дургүйцлийг ихэд хүргэдэг ч ард түмэн нь муулан барин үзсээр л байдаг нь үнэн учир үзэгчгүй болно гэсэн асуудал харин ч нэг байхгүй нь сайхан юм даа.

Эх сурвалж:Шуурхай.мн